Өрөспүүбүлүкэтээҕи адаптивнай физическэй култуура уонна успуорт киинин исписсэлииһэ Элеонора Петровна Николаева «Десант ЗОЖ» диэн массовай спорду тарҕатар, чөл олоҕу көҕүлүүр киэҥ дабааннаах тэрээһиҥҥэ кыттыыны ылла.

Делегация муус устар 7-9 күннэригэр Томпо улууһугар икки группанан арахсан үлэлээтэ. Хаандыга, Тополинай, Дьабарыкы-Хайа, Арыы-Толоон, Ударник, Новый, Кэскил бөһүөлэктэри кэрийэ сылдьан олохтоохторго доруобуйа, спорт, сөптөөхтүк аһааһын туһунан лекциялары, мастер-класстары, эти-сиини чэбдигирдэр дьарыктары, күрэхтэһиилэри ыытта.

Элеонора Петровна Белолюбская Надежда Николаевнаны кытта доруобай уонна доруобуйаларыгар хааччахтаах дьоҥҥо “хабылык”, ”хаамыска” сахалыы остуол оонньууларыгар мастер-класс ыыттылар. Кэлбит дьон элбэххэ уорэнэн, төрүт остуол оонньуубут чахчы да уратытын, тупсагайын бэлиэтээтилэр, сэҥээрдилэр.

Олохтоохтор маннык суолталаах тэрээһин ыытыллара суолталаах уонна наадалаах диэн бэлиэтээтилэр, улахан махталларын Өрөспүүбүлүкэбит физическэй култууратын уонна успуордун министиэристибэтигэр тиэртилэр.

ГБУ РС(Я) РЦАФКиС